Tacikistanda yaşı 100-dən yuxarı olan 415 nəfər yaşayır (2025-ci ilin iyul ayına).

Bu barədə Tacikistan Respublikası Hökuməti yanında Sosial Sığorta və Pensiya Agentliyi məlumat yayıb.

Tacikistanda yüzillik yaşı tamam olanlar arasında Darvaz rayon sakini 120 yaşlı Mərziyamox İbodova (1905-ci il təvəllüdlü) və Dəngərə rayon sakini 117 yaşlı Gülrakat Nəzərova (1908-ci il təvəllüdlü) var.

Statistikaya görə, 2025-ci il yanvarın 1-nə Tacikistanda yaşı 100-dən yuxarı olan 306 vətəndaş yaşayır ki, onlardan 169-u kişi, 137-si qadındır.

Həmçinin bu dövrdə əhalinin orta ömür uzunluğu 76,6 yaşa çatıb.

Tacikistanda gözlənilən ömür uzunluğu əvvəlki onilliklərlə müqayisədə artıb, rəsmilər bunu yaşlıların yaşayış şəraitinin yaxşılaşdırılması, sosial təminat və səhiyyə ilə əlaqələndirirlər.

Birləşmiş Millətlər Təşkilatının araşdırmalarına görə, gözlənilən ömür uzunluğunun artmasına səbəb olan amillər arasında iqtisadi inkişaf, uşaq ölümünün azalması, əmək qabiliyyətli əhali arasında ölüm hallarının azalması, alkoqol və tütün istehlakının azalması daxildir.

Reportyor.az



KARUSEL / DÜNYA