"2025-ci il əhəmiyyətli nailiyyətlərlə başa çatdı: ölkənin ÜDM-i ilk dəfə olaraq 145 milyard dolları keçdi, ixrac isə 23% artaraq 33,4 milyard dollara yüksəldi: Valyuta ehtiyatları ilk dəfə 60 milyard dolları keçdi və 43,1 milyard dollarlıq investisiya axını sənaye, energetika və infrastruktur sahələrində onlarla iri layihənin həyata keçirilməsini dəstəklədi".

Bunu Özbəkistan Prezidenti Şavkat Mirziyoyev Yeni il ərəfəsində etdiyi ənənəvi müraciətində deyib.

Müraciətdə deyilir ki, makroiqtisadi nəticələr sosial sahədə müsbət dəyişikliklərlə müşayiət olunur. Aktiv məşğulluq siyasəti sayəsində işsizlik səviyyəsi 5,5%-dən 4,9%-ə düşüb və təxminən 5 milyon insan davamlı gəlir əldə edib. Aztəminatlı ailələrin dəstəklənməsinə, ünvanlı sosial yardım sisteminin inkişafına və əsas xidmətlərin əlçatanlığının yaxşılaşdırılmasına əhəmiyyətli diqqət yetirilib. İl ərzində yoxsulluq səviyyəsi 8,9%-dən 5,8%-ə düşüb və təxminən 1,5 milyon vətəndaş yoxsulluqdan xilas olub.

Prezident vurğulayıb ki, dövlət satınalmaları mexanizmlərinin təkmilləşdirilməsi biznes üçün bərabər şərait yaratmaq, rəqabəti təşviq etmək və büdcə vəsaitlərindən səmərəli istifadəni təmin etmək məqsədi daşıyır. Bu tədbirlər ölkənin Ümumdünya Ticarət Təşkilatına üzv olmağa hazırlığının vacib hissəsi kimi qəbul edilir.

Müraciətdə həmçinin korrupsiyaya qarşı mübarizə mövzusu da müzakirə olunaraq, onu gələcək inkişaf üçün əsas məqsəd kimi qeyd edilib. Prezident vurğulayıb ki, korrupsiyaya qarşı mübarizə birdəfəlik kampaniya kimi deyil, dürüst, açıq və hesabatlı idarəetmə sisteminin qurulmasına yönəlmiş uzunmüddətli dövlət siyasəti kimi qəbul edilir.

Reportyor.az 



KARUSEL / İQTİSADİYYAT