İranın Xarici İşlər Nazirliyinin sözçüsü bildirib ki, ABŞ ilə keçiriləcək danışıqların üçüncü raundu yalnız nüvə məsələsinə və Tehrana qarşı sanksiyaların ləğvinə yönələcək.

"Danışıqların mövzusu... nüvə məsələsinə yönəlib" deyən İsmayıl Bəqai əlavə edib ki, Tehran sanksiyaların ləğvi və İranın "nüvə enerjisindən dinc məqsədlərlə istifadə etmək" hüququnu təsdiqləməyə çalışacaq.

O əlavə edib ki, İran nümayəndə heyəti bu fikirləri danışıqlarda vasitəçilik edən Oman xarici işlər nazirinə çatdırıb.

Bəqai vurğulayıb ki, İran ABŞ ilə dolayı nüvə danışıqlarının üçüncü raunduna "ciddilik və çeviklik" ilə daxil olur.

O, həmçinin bildirib ki, Birləşmiş Millətlər Təşkilatının nüvə rəhbəri Rafael Qrossi danışıqların üçüncü raundunda iştirak edəcək.

Bəqai bildirib ki, "Əvvəlki raundda olduğu kimi, Beynəlxalq Atom Enerjisi Agentliyinin baş direktorunun da bu danışıqlara qoşulması ehtimalı var".


Reportyor.az 



KARUSEL / DÜNYA