Venesuela Prezidenti Nikolas Maduro amerikalı həmkarı Donald Trampın Venesuela kartellərinə quruda zərbələr endirməyi düşündüyünü söyləməsindən qısa müddət sonra "MKİ tərəfindən təşkil edilən dövlət çevrilişləri" adlandırdığı hadisələri pisləyib.

"Karib hövzəsində müharibəyə yox... Rejim dəyişikliyinə yox... Mərkəzi Kəşfiyyat İdarəsi tərəfindən təşkil edilən dövlət çevrilişlərinə yox" deyən solçu lider Vaşinqtonun narkotiklərlə mübarizə əməliyyatı üçün Karib dənizində hərbi gəmilər yerləşdirməsindən sonra yaradılan komitəyə müraciətində deyib.

Tramp çərşənbə günü narkotik daşıdığı iddia edilən Venesuela qayıqlarının dənizdə batdığı ölümcül zərbələrdən sonra quruya hücumları düşündüyünü söylədi.

ABŞ-ın Karib dənizindəki hücumları nəticəsində indiyədək ən azı 27 nəfər həlak olub.

Çərşənbə günü başqa bir gəmi vurulduqdan sonra Maduro ölkənin ən böyük gecəqondularında hərbi təlimlər keçirməyi əmr etdi və Venesuelanın dağlarını, sahillərini, məktəblərini, xəstəxanalarını, fabriklərini və bazarlarını” müdafiə etmək üçün hərbçi, polis və mülki milisləri səfərbər etdiyini söylədi.
Tramp sübut təqdim etmədən onların “narkoterrorçu” olduğunu iddia edib.
ABŞ lideri Maduronu narkotik kartelinə rəhbərlik etməkdə günahlandırır, ittihamları rədd edir. Avqust ayında Vaşinqton Maduronun tutulmasına səbəb olan məlumat üçün verilən mükafatı ikiqat artıraraq 50 milyon dollara çatdırıb.
Venesuela liderini keçən il seçkiləri oğurlamaqda ittiham edirlər.

Reportyor.az




KARUSEL / DÜNYA