Türkiyənin Şırnak vilayətinin Qabar rayonunda kəşf edilən neftin ümumi dəyəri 70 milyard dollardır.
TurkicWorld xəbər verir ki, bu barədə Türkiyə Neft şirkəti (TPAO) baş direktoru Melih Han Bilgin bildirib.
O, həmçinin qeyd edib ki, Aybüke Yalçın neft quyusunda kəşf edilən neft ərəb nefti keyfiyyətindədir.
"Hədəfimiz 2 il ərzində 100 min barel neft hasil etməkdir. Bu quyudan neft hasil edilən neft ölkənin neft ehtiyacının 10 faizini qarşılayacaq", - deyə o əlavə edib.
Qeyd edək ki, mayın 2-də Türkiyə Prezidenti Rəcəb Tayyib Ərdoğan ölkənin cənub-şərqindəki Şırnak əyalətinin Cudi və Qabar rayonlarında yeni neft ehtiyatlarının aşkar edildiyini açıqlayıb.

KARUSEL / İQTİSADİYYAT