Pakistanın Bəlucistan əyalətinin Mastunq bölgəsində Terrorla Mübarizə Departamentinin (CTD) əməkdaşları ilə atışmada qadağan olunmuş İŞİD-in əsas komandiri öldürülüb.
"Dawn" xəbər verir ki, Terrorla Mübarizə Departamenti İŞİD-in şübhəli komandiri Qulam Din Şahvani ləqəbli Şoaibin Mastunq şəhərində olması ilə bağlı kəşfiyyat məlumatlarına əsasən, onun tutulması üçün ərazini mühasirəyə alıb.
İŞİD komandiri təslim olmaq əvəzinə CTD personalını atəşə tutmağa başlayıb. CTD əməkdaşları da mövqe tutaraq cavab atəşi açıblar. Şiddətli atışma yarım saat davam etdi və nəhayət Şahvaninin öldürülməsi ilə nəticələnib.
CTD personalı İŞİD komandirinin cəsədini nəzarətə götürərək Mastunq rayon xəstəxanasına təhvil verib.
CTD sözçüsü deyib ki, İŞİD komandiri bölgədə terror aktı törətmək üçün Mastunqa gəlib. Cəmaəti-İslami rəhbəri Siracul Haq, JUI-F baş katibi Mövlana Əbdül Qafur Haideriyə qarşı intihar hücumunda iştirak edib.  Kvetta Mülki Xəstəxanasında vəkillərə edilən intihar hücumu nəticəsində 60 nəfər, o cümlədən 53 vəkil həlak olub. O, həmçinin Bolan rayonunun Maç bölgəsində 11 kömür şaxtaçısının öldürülməsində, Kvetta və əyalətin digər ərazilərində polis məmurlarının hədəf alınaraq öldürülməsində iştirak edib.
KARUSEL / DÜNYA