Avqustun 22-də Litva Respublikasının Azərbaycan Respublikasında təyin olunmuş səfiri Kęstutis Vaškelevičius etimadnaməsinin surətlərini Azərbaycan Respublikası xarici işlər nazirinin müavini Fariz Rzayevə təqdim edib.

Bu barədə səfirliyin sosial şəbəkəsində paylaşım edilib.
Söhbət zamanı Litva ilə Azərbaycan arasında ikitərəfli münasibətlər, o cümlədən regionda təhlükəsizlik vəziyyəti müzakirə edilib. Səfir vurğulayıb ki, fəaliyyəti dövründə iki ölkə arasında tərəfdaşlıq əlaqələrinin, eləcə də Litva-Azərbaycan siyasi, iqtisadi, mədəni və digər sahələrdə əlaqələrin gücləndirilməsinə çalışacaq.
“Şadam ki, bu görüş iki azadlıqsevər xalq arasında münasibətlərin daha da möhkəmlənməsini görmək üçün qarşılıqlı istəyi təsdiq etdi. Bu görüşün Baltik yolunun anım günü ərəfəsində baş tutması simvolikdir. Litvada yaşayan azərbaycanlılar Baltik yolunda bizimlə birlikdə dayandılar və Baltikyanı ölkələrin azadlığının bu unikal hadisəsinə Azərbaycanda da dəstək hiss olundu. Bir-birinin azadlıq arzularına qarşılıqlı dəstək xalqlarımızın dostluğunun möhkəmlənməsi üçün möhkəm əsasdır”, - deyə səfir görüşdən sonra qeyd edib.
KARUSEL / SİYASƏT