Qətər Dövlətinin Baş naziri və xarici işlər naziri Şeyx Məhəmməd bin Əbdülrəhman bin Casim Əl-Tani  Livan Respublikası Parlamentinin sədri Nabih Berri ilə telefonla danışıb.

Reportyor.az ərəb mediasına istinadla xəbər verir ki, müzakirə zamanı ikitərəfli əməkdaşlıq əlaqələri və onların genişləndirilməsi və inkişaf etdirilməsi yolları müzakirə olunub. O, həmçinin qarşılıqlı maraq doğuran bir sıra məsələlərlə yanaşı, Livandakı son hadisələrə və gərginliyin azaldılması yollarına da toxunub.
Zəng zamanı baş nazir və xarici işlər naziri Qətərin Livanda baş verən son hadisələrdən dərin narahatlığını və atəşkəsə nail olunmasına yönəlmiş səyləri dəstəklədiyini bildirib. O vurğulayıb ki, Qətərin prioriteti Livana təcavüzü dayandırmaq, vəziyyətin gərginliyini azaltmaq, regionda təhlükəsizlik və sabitliyi təşviq etmək üçün mümkün olan hər şeyi etməkdir.
Öz növbəsində, Livan Parlamentinin Sədri Qətər Dövlətinə Livana çətin vəziyyətdən çıxmaq üçün göstərdiyi dəstəyə görə təşəkkürünü və minnətdarlığını bildirib.
KARUSEL / DÜNYA