İsrail əsgərləri Livana keçən və çadır məskəni qurmuş kimi görünən kiçik ifrat sağçı İsrail mülki qrupunu oradan çıxarıblar.

Reportyor.az xəbər verir ki, bu barədə “The Times of Israel” 10 gün əvvəl yazıb ki, Livanın cənubunun ilhaqını və məskunlaşmasını müdafiə edən qrup, sərhədi keçərək forpost qurduqlarını bildirib.

Çərşənbə günü İsrail ordusu onların dərhal çıxarıldığını bildirib.

“İlkin araşdırma göstərir ki, mülki şəxslər həqiqətən də mavi xətti bir neçə metr keçiblər və [İsrail hərbçiləri] tərəfindən müəyyən edildikdən sonra ərazidən çıxarılıblar”, - deyə hərbçilərin bəyanatında deyilir.

Bəyanatda deyilir: “Livan ərazisinə koordinasiya olmadan yaxınlaşmaq və ya sərhədi keçmək üçün edilən hər hansı cəhd həyati təhlükə yaradır və İsrail ordusunun bölgədə fəaliyyət göstərməsi və öz missiyasını yerinə yetirməsinə mane olur”.

“The Times of Israel” qəzeti, qrupun girdiyi iddia edilən ərazinin İsrail və Livanlı “Hizbullah” yaraqlı qruplaşması arasında keçən ay imzalanmış atəşkəs razılaşması çərçivəsində İsrail ordusunun nəzarəti altında olduğunu bildirib.

Noyabrın 26-da əldə edilmiş atəşkəsin şərtlərinə görə, İsrail qüvvələri Livanda 60 gün qala bilər. İsrail Livanın cənubunda, o cümlədən ordusunun 1982-2000-ci illərdə ərazini işğal etdiyi vaxtlarda yaşayış məntəqələri yaratmayıb.
KARUSEL / DÜNYA