Türkiyə Suriya idxalına qoyulan məhdudiyyətləri aradan qaldırıb.

Reportyor.az xəbər verir ki, bu barədə Suriyanın dövlət xəbər agentliyi SANA, Türkiyə Ticarət Nazirliyi ilə müzakirələrdən sonra Suriya Quru və Dəniz Limanları Baş İdarəsinin Əlaqələr üzrə direktoru Mazen Alluşa istinadən bildirib.

Suriyanın yeni administrasiyası altında Türkiyə və Suriya müəyyən məhsullar üçün gömrük tariflərini yenidən qiymətləndirmək və Suriyada müharibənin başladığı 2011-ci ildə dayandırılmış azad ticarət sazişinin yenidən qüvvəyə minməsi üçün danışıqlara başlamaq barədə razılığa gəlib.

Bəşər Əsəd dekabr ayında Suriya prezidenti vəzifəsindən istefa verdi və ailəsinin onilliklər boyu sürən hakimiyyətinə son qoydu.
KARUSEL / DÜNYA