Çin yeni böyük astronomik müşahidə layihəsinin - Xue-şan-mu-çanq 15 metrlik SubMillimetr Teleskopunun (XSMT) tikintisinə başlayıb.

Sinxua xəbər verir ki, layihə, mövcud astronomik infrastrukturundakı nəzərəçarpacaq boşluğu aradan qaldıran yüksək dəqiqlikli qurğu yaratmaqla Çinin kainatı araşdırmaq imkanlarını artırmaq məqsədi daşıyır.

Çin Elmlər Akademiyası nəzdində Nankinqdə yerləşən Bənövşəyi Dağ Rəsədxanasının rəhbərlik etdiyi layihənin 2027-ci ildə başa çatdırılması planlaşdırılır.
Alimlərin fikrincə, teleskopun yeri "dünyanın damı" kimi tanınan Qinghai-Tibet yaylasının mərkəzində yerləşir və yüksək hündürlük, minimal insan müdaxiləsi və son dərəcə aşağı su buxarı kimi şərtləri özündə əks etdirir ki, bu da onu müşahidələr üçün ideal məkana çevirir.

Reportyor.az
KARUSEL / İQTİSADİYYAT