Dünya Bankı (DB) Livana iqtisadi və maliyyə bərpası dövründə yoxsulların və ən həssas təbəqənin əsas ehtiyaclarını ödəməyə və dövlət sektorunun rəqəmsal transformasiyası vasitəsilə yüksək təsirli dövlət xidmətlərinin göstərilməsini yaxşılaşdırmağa kömək etmək üçün 350 milyon dollarlıq yeni maliyyələşdirməni təsdiqləyib.

DB-nin açıqlamasına görə, bu maliyyələşdirmə yoxsulların sosial müdafiəsini təmin etməklə, qadınların, gənclərin və ən həssas qrupların iqtisadi inteqrasiyasını təşviq etməklə, sosial müdafiə sistemlərini gücləndirməklə və əsas dövlət xidmətlərinin rəqəmsallaşdırılmasını sürətləndirməklə vətəndaşların həyatına əhəmiyyətli təsir göstərməyə yönəlmiş iki yeni layihəni əhatə edir.

Bəyanatda izah edilir ki, birinci layihə, sosial təhlükəsizlik şəbəkələri və sistemlərinin qurulması layihəsi (200 milyon dollar) Livanın sosial müdafiə sistemini daha da gücləndirməyi hədəfləyir və eyni zamanda nağd pul köçürmələri üçün ayrılan hökumət maliyyələşdirməsini tamamlamaq üçün resurslar təmin edir.

İkinci layihə, Livanda rəqəmsal transformasiyanın sürətləndirilməsi layihəsi (150 milyon dollar) vətəndaşların əsas dövlət xidmətlərinə və iqtisadi imkanlara çıxışını yaxşılaşdırmağı, daha təhlükəsiz rəqəmsal mühit və genişləndirilmiş bazar çıxışı vasitəsilə biznes və sahibkarları gücləndirməyi, hökumətə xidmət göstərilməsini yaxşılaşdırmağa imkan verməyi və rəqəmsal platformaları gücləndirməklə əməliyyat səmərəliliyini artırmağı hədəfləyir.


Reportyor.az 



KARUSEL / İQTİSADİYYAT