Səudiyyə Ərəbistanının xarici işlər naziri Şahzadə Feysəl bin Fərhan və iranlı həmkarı Abbas Əraqçi telefon danışığı zamanı İslamabadda İran-ABŞ danışıqlarından sonrakı inkişafları müzakirə ediblər.

Zəng həftəsonu danışıqlarının müharibəyə son qoymaq üçün razılığa gəlməməsi və iki həftəlik kövrək atəşkəs rejimini təhlükə altına qoymasından sonra edilib.

Nazirliyin açıqlamasında deyilir: "Zəng zamanı onlar İran-ABŞ arasında sülh danışıqlarından sonrakı son inkişafları müzakirə ediblər".

Şənbə günündən bazar gününə qədər davam edən İslamabad danışıqları on ildən çox müddətdə ilk birbaşa ABŞ-İran görüşü və İranın 1979-cu il İslam İnqilabından bəri ən yüksək səviyyəli müzakirələr olub.

Ötən həftə ABŞ və İran İsrail və ABŞ-ın 28 fevralda İrana hücumlara başlamasından sonra atəşkəs barədə razılığa gəliblər. Tehran İsrailə və qonşu Körfəz ölkələrinə hücumlarla cavab verib.

Nazirlik cümə axşamı günü bildirib ki, Prine Feysəl və Əraqçi sonuncu dəfə ötən həftə danışıblar.

Reportyor.az 




KARUSEL / DÜNYA