Səudiyyə Ərəbistanı xarici işlər naziri Şahzadə Feysəl bin Fərhan cümə axşamı iranlı həmkarı Abbas Araqçidən telefon zəngi alıb.

Bu barədə Krallığın yerli mediası xəbər verir.

Zəng zamanı iki nazir regiondakı son hadisələri müzakirə edib və gərginliyin azaldılması, təhlükəsizlik və sabitliyin bərpası səylərini nəzərdən keçiriblər.

Bu söhbət regionda son gərginləşmədən bəri iki tərəf arasında ilk açıqlanan təmaslardan biridir.

Ayrı-ayrı telefon danışıqlarında Şahzadə Feysəl Küveyt və Venesuelalı həmkarları ilə də müzakirələr aparıb.

Küveyt xarici işlər naziri Şeyx Cərrah Əl-Sabahla telefon danışığı zamanı tərəflər regional inkişafları və təhlükəsizlik və sabitliyin gücləndirilməsi üçün davam edən səyləri nəzərdən keçiriblər.

Venesuela xarici işlər naziri İvan Gil Pinto ilə ayrıca telefon danışığında Səudiyyə Ərəbistanı naziri ikitərəfli münasibətləri müzakirə edib və qarşılıqlı maraq doğuran məsələlər barədə fikir mübadiləsi aparıb.

Reportyor.az 




KARUSEL / DÜNYA