Səudiyyə Ərəbistanının xarici işlər naziri Şahzadə Faysal bin Fərhan cümə axşamı Yohannesburqda Böyük Britaniya, Çin, Avstraliya və Fransadan olan həmkarları ilə ayrı-ayrılıqda görüşüb.

Afrikada ilk dəfə keçirilən G20 xarici işlər nazirlərinin iclası çərçivəsində Şahzadə Feysal Böyük Britaniyanın Xarici İşlər Naziri David Lammy ilə regional və beynəlxalq hadisələri müzakirə edib.

Reportyor.az xəbər verir ki, şahzadə Faysal Çinin xarici işlər naziri Vanq Yi ilə ümumi maraq doğuran məsələlər üzrə koordinasiyanın gücləndirilməsini müzakirə edib.

Birgə əlaqələrin gücləndirilməsi və inkişaf etdirilməsi yolları Şahzadə Feysal və avstraliyalı həmkarı Penni Vonq tərəfindən nəzərdən keçirilib.

Şahzadə Faysal həmçinin Fransanın Avropa və Xarici İşlər naziri Jan-Noel Barrot ilə regional inkişafları və regionda sabitlik və sülhə nail olmaq üçün göstərilən səyləri müzakirə edib.
KARUSEL / DÜNYA