Səudiyyə Ərəbistanının xarici işlər naziri şahzadə Feysəl bin Fərhan cümə günü pakistanlı həmkarı İshaq Dar ilə telefonda danışıb.

Səudiyyə Ərəbistanının xarici işlər nazirliyinin açıqlamasında deyilir: "Xarici işlər naziri şahzadə Feysəl bin Fərhan bin Abdullah bu gün Pakistan İslam Respublikasının Baş nazirinin müavini və xarici işlər naziri İshaq Dardan telefon zəngi alıb".

Bəyanata görə, liderlər regiondakı inkişafları və bölgənin təhlükəsizliyini və sabitliyini qoruyarkən gərginliyi azaltmağın yollarını müzakirə ediblər.

Pakistan, ərazilərində yaraqlıların təhlükəsizlik işçilərinə qarşı bir sıra hücumlarından sonra qonşusu Əfqanıstanla gərgin vəziyyətdədir və bu hücumları hakim Taliban təşkilatını günahlandırıb.

Bazar günü Pakistan Əfqanıstandakı hədəflərə bir sıra hava hücumları təşkil edib. Cənub qonşusuna edilən yaraqlı hücumlarında hər hansı bir iştirakını inkar edən Taliban, cümə axşamı günü onlarla insanı öldürdüyünü və əsir götürdüyünü iddia edən Pakistan qüvvələrinə hücum edib.


Reportyor.az 



KARUSEL / DÜNYA