Suriyanın Xarici İşlər və Qürbətçilər naziri Əsəd əl-Şeybani ölkəsinin Birləşmiş Krallıqdakı səfirliyini yenidən açıb.

Bu barədə Suriyanın dövlət xəbər agentliyi SANA-nın verdiyi məlumatda deyilir. 

"Xarici İşlər və Qürbətçilər naziri Əsəd Həsən əl-Şeybani cümə axşamı günü Londondakı Suriya səfirliyinin üzərində milli bayraq qaldırıb və bu, illərdir bağlı qaldıqdan sonra missiyanın yenidən açılmasını qeyd edib", - deyə məlumatda bildirilir.

Əl-Şeybani yenidən açılmanın yeni bir dövrün başlanğıcını qoyacağına və Suriyanın dünyadakı rolunu bərpa etməsinə kömək edəcəyinə ümid etdiyini bildirib.

"Əsədin kimyəvi rejimi tərəfindən illərlə təcrid olunmuş illərdən sonra bu gün biz Londondakı Suriya səfirliyini yenidən açırıq. Suriya azad kimliyi altında dünyaya qayıdır", - deyə o, X-də səfirliyin eyvanında öz şəkli ilə paylaşdığı paylaşımda yazıb.

Böyük Britaniya ötən həftə Suriya prezidenti Əhməd əl-Şaraa qarşı sanksiyalarını ləğv edib.

Reportyor.az



KARUSEL / DÜNYA