BMTİP, Yaşıl İqlim Fondu və Azərbaycan Respublikası Ekologiya və Təbii Sərvətlər Nazirliyinin birgə əməkdaşlığı çərçivəsində “İqlim Dəyişmələrinə Milli Uyğunlaşma Planına dəstək” layihəsi vasitəsilə hökümət işçiləri üçün tədqiqat turu təşkil olunub. Keçirilən bu turun əsas məqsədi hökumət işçilərinə iqlim dəyişikliyinin təsirlərinə effektiv uyğunlaşma təcrübələrini təbliğ etmək, xüsusən də onları həssas regionlarda maarifləndirmək idi.

Xüsusilə həssas Qobustan və Şamaxı rayonlarını hədəf alan bu tur əsas sektor olan kənd təsərrüfatının problemlərinə ünvanlanıb. Hesabatlar əhalinin artımı və iqtisadi inkişaf nəticəsində suya olan tələbatın artması ilə əlaqədar uyğunlaşma tədbirlərinə təcili ehtiyac olduğunu vurğulayır. Tur zamanı iştirakçılar yerli hakimiyyət orqanları icmaları ilə qlim dəyişikliyinin təsirlərini müzakirə edib və həll yollarını araşdırıblar.
İki günlük tədqiqat turunun proqramına Azərbaycanda iqlim dəyişikliyinə uyğunlaşma ilə bağlı əsas ərazilərə səfərlər daxil olmuşdur. İştirakçılar Acıdərə çayını və köhnə su anbarını tədqiq edərək həm heyvandarlıqda, həm də kənd təsərrüfatında iqlim problemləri ilə məşğul olan fermerlərlə görüşüblər. Eyni zamanda hazırkı su anbarının şəraiti, iqlim dəyişmələrinin həm qadınların, həm də kişilərin həyatlarına təsiri haqqında interaktiv müzakirələr aparılmışdır.

Təklə kəndində hökümət işçiləri iqlim dəyişikliyinin təsirlərini qiymətləndirmək, icmanın güclü tərəflərini və uyğunlaşma variantlarını müzakirə etmək üçün yerli icmalarla görüşüblər. Turun ilk gününün yekun mərhələsi iştirakçıları cəlb edən interaktiv iqlimə uyğunlaşma oyunu ilə tamamlandı.
Tədqiqat turunun ikinci günündə hökümət işçiləri Şamaxı Rayon İcra Hakimiyyəti, Dövlət Aqrar İnkişaf Mərkəzi (DAİM) və yerli nümayəndələrlə regional iqlim təsirlərini və mövcud uyğunlaşma strategiyalarını dərk etmək üçün müzakirələr aparıblar. Şamaxı Üzüm və Tingçilik Mərkəzinə, Şamaxı radiometreoloji stansiyasına və Zağolovçay su ehtiyatına səfərlər iqlimin su təchizatına təsirini öyrənərək, effektiv yerli adaptasiya tədbirlərinin əhəmiyyətini vurğuladı.
Tur Azərbaycanda mühüm iqlim zəiflikləri, qabaqcıl təcrübələr, çağırışlar və imkanlar haqqında müzakirələrlə yekunlaşıb. İştirakçılar hökumətdə bərabərhüquqlu və inklüziv uyğunlaşma strategiyalarının uğurla həyata keçirilməsi üçün beynəlxalq dəstək mövzusunü müzakirə ediblər.
KARUSEL / CƏMİYYƏT