İstanbul Cumhuriyyət Baş Prokurorluğu Terror və Mütəşəkkil Cinayətkarlıqla Mübarizə Bürosu tərəfindən Adnan Oktarın da olduğu 4-ü saxlanılan, 42-si fərari olmaqla 72 müttəhim barəsində aparılan istintaq tamamlanıb.
Adnan Oktarın bir nömrəli müttəhim olduğu 1017 səhifəlik iddiada  72 nəfər “şübhəli”, 21 nəfər “zərərçəkmiş”, 9 bank isə “cinayətdən zərər görən” kimi qeyd edilib.
Qurumun təsis məqsədi və fəaliyyətinin açıqlandığı iddiada barəsində iddia qaldırılan müttəhimlərin əməllərindən ətraflı bəhs edilib.
Adnan Oktarın silahlı cinayət təşkilatına qarşı elan edilən yeni ittihamnamədə təşkilata üzv olan bəzi müttəhimlərin İsrail siyasətçiləri ilə görüşdüyü və bu çərçivədə bir müttəhimin təşkilatı təmsil etmək üçün İsrailə getdiyi və görüşdüyü bildirilib.
İttihamnamədə saxlanılan şübhəli Əli Sadun Enginin təşkilat daxilində “Sado” ləqəbindən istifadə etdiyi, təşkilatla ABŞ və İsrail arasında körpü rolunu oynadığı, Adnan Oktarın göstərişi ilə İsraildə keçirilən konfranslarda məruzəçi kimi iştirak etdiyi qeyd edilib.
Qeyd olunub ki, müttəhim xaricdən gələn məmurların və əcnəbi siyasətçilərin rəhbərliyini öz üzərinə götürüb, həmçinin Oktarın A9 TV-də yayımlanacaq verilişlərində müzakirə olunacaq mövzuları müəyyənləşdirib və kanalın pul köçürməsini təşkil edib.
Şübhəli şəxs elan olunan Enginin Adnan Oktarın göstərişi ilə İsrailin və dünyanın ən güclü dini ravvin təşkilatı olan Sanhedrin Məclisi ilə “Bacılar Qrupu” vasitəsilə əlaqə saxladıqları qeyd edilib.
İttihamnamədə təşkilatın Ankara məmuru olduğu bildirilən müttəhim Ayfer Gökmenlinin Adnan Oktarın nümayəndəsi kimi bəzi millət vəkilləri, siyasətçilər və yazarlarla görüşlərə qatıldığı, lobbiçilik etdiyinə dair məlumatlar da yer alıb.
İddianamədə təqsirləndirilən şəxsin şəxsi evindən də təşkilatın evi kimi istifadə etdiyi və həyat yoldaşının ölümündən sonra var-dövlətini təşkilata keçirərək təşkilatı maliyyələşdirməyi hədəflədiyi müəyyən edilib.
İttihamda bildirilir ki, Adnan Oktar, Ülviyyə Didem Ürer, Tarkan Yavaş və Alev Babunanın daxil olduğu 13 müttəhim bir çox insana qarşı bir dəfədən çox “xüsusilə cinsi təcavüz” törədib, digər 59 müttəhim isə təşkilat və təşkilat çərçivəsində hərəkətlərini həyata keçirib. Bu cinayətlərə görə fərdi şəkildə məsuliyyət daşımalıdırlar. Onlar barədə “uşaqların cinsi istismarı”, “cinsi təcavüz” ittihamları ilə hər biti 1938-ci il 5 aydan  2758 il 6 ayadək həbs cəzası istənilib. (Azpost.info)


KARUSEL / DÜNYA