700 ton Səudiyyə xurması Ramazan ayında iki Müqəddəs Məscidin Nəzarətçilərinin Xurma Təminatına dair Hədiyyə Proqramı çərçivəsində 102 ölkəyə paylanılacaq.

Reportyor.az xəbər verir ki, xurmalar İslam İşləri Nazirliyi, Krallığın səfirliklərindəki əlaqələr və məsləhət attaşesi vasitəsi ilə paylanacaq ki, bu da keçən ilə nisbətən 200 ton çoxdur.

Səudiyyə Ərəbistanının İslam işləri, dəvət və irşad naziri Şeyx Əbdüllətif bin Əbdüləziz Əl-Şeyx Səudiyyə Ərəbistanı rəhbərliyinə dünyanın müxtəlif ölkələrində, xüsusən də mübarək Ramazan ayında müsəlmanlara göstərdiyi səxavətli qayğıya görə təşəkkür edib.

Nazir İslam dininə və müsəlmanlara xidmət etmək, İslamın dəyər və prinsiplərini yaymaq, nifrət, ekstremizm və fanatizmlə mübarizə aparmaq üçün üzərinə düşən vəzifəni yerinə yetirmək və üzərinə düşən missiyaya nail olmaq üçün rəhbərlikdən davamlı olaraq aldığı dəstəyi diqqətə çatdırıb.

Nazirlik xurmaların 2025-ci ilin Ramazan ayı ərzində paylanması üçün benefisiar ölkələrə göndərilməsi üçün bütün hazırlıqları tamamlayıb.
KARUSEL / DÜNYA