Fələstin İslami Müqavimət Hərəkatı (HƏMAS) cümə axşamı səhər İsrail qurumu ilə əsir mübadiləsi müqaviləsi çərçivəsində dörd israilli girovun cəsədlərini təhvil verib.

Bu, dünən hərəkatın Bibas ailəsi və Oded Lifşitzin cəsədinin də daxil olduğu dörd girovun cəsədlərini çatdırmaq qərarını elan etdikdən sonra baş verib. HƏMAS bildirib ki, işğalçı təyyarələr saxlandıqları yerləri qəsdən bombalamazdan əvvəl onların hamısı sağ olub.

Reportyor.az xarici mediaya istinadla xəbər verir ki, təhvil-təslim Qəzza zolağının cənubundakı Xan Yunisin şərqindəki Bəni-Suheyla bölgəsində, Beynəlxalq Qırmızı Xaç Komitəsinin (BQXK) nümayəndəsinin iştirakı ilə baş tutub.

Bu təhvil HƏMAS və İsrail qurumu arasında əsir mübadiləsi sazişinin birinci mərhələsinin 7-ci partiyasının bir hissəsidir.

HƏMAS ilə İsrail qurumu arasında atəşkəs və məhbus mübadiləsi sazişi yanvarın 19-da başlayıb. Birinci mərhələ 42 gün davam edəcək və bu müddət ərzində Qətər və Misirin vasitəçiliyi və ABŞ-ın dəstəyi ilə ikinci və üçüncü mərhələlərin başlanması üçün danışıqlar aparılacaq.
KARUSEL / DÜNYA