Rusiya səlahiyyətliləri ticarət gəmiləri və infrastrukturuna artan təhlükələrə cavab olaraq, gəmilərin alt hissəsini yoxlamaq üçün dalğıcları işə götürmək də daxil olmaqla limanlarda tədbirləri gücləndirir.

Reportyor.az Reuters-a istinadla xəbər verir ki, Rusiya Nəqliyyat Nazirliyi və Dəniz və Çay Nəqliyyatı üzrə Federal Agentliyi (ROSMORRECHFLOT) tərəfindən verilən məktubda dəniz limanı kapitanlarına gəmi sahiblərinə dəniz limanlarına gələrkən bütün gəmilərdə yad obyektlərin və partlayıcı maddələrin olub-olmaması, o cümlədən sualtı müayinələr üçün dalğıclardan və telemetrik avadanlıqlardan istifadə olunmaqla yoxlanılmalı olduğu barədə məlumat vermələri tapşırılır.

14 fevral tarixli məktubda nəqliyyat infrastrukturunun və təhlükəli və yüksək riskli yüklərin daşınması ilə məşğul olan ticarət gəmilərinin təhlükəsiz fəaliyyətinə təhlükənin artmasından bəhs edilir.

Aralıq dənizi ətrafında üç, Baltik dənizində isə bir neft tankeri son bir ayda ayrı-ayrı insidentlərdə baş verən partlayışlar nəticəsində zədələnib, səbəbləri məlum deyil.
KARUSEL / DÜNYA