Naməlum silahlı şəxslər Pakistanın Bəlucistan vilayətinin Dera Bugti rayonunda 6 futbolçunu qaçırıb. 
"Dawn" xəbər verir ki, oyunçular Bütün Pakistan Baş Naziri Qızıl Kuboku futbol turnirinin seçmə mərhələsində iştirak etmək üçün gedirdilər.
Rəsmi mənbələr, silahlı şəxslərin oyunçuların getdiyi avtomobillərə müdaxilə etdiyini və futbolçuları silah gücü ilə apardığını bildirib. 
Bəlucistanın müvəqqəti daxili işlər naziri Mir Zubair Əhməd Camali təhlükəsizlik qüvvələrinin axtarışa başlamaq və qaçırılan futbolçuları mümkün qədər tez tapmaq üçün əraziyə göndərildiyini bildirib.
Müvəqqəti daxili işlər naziri Sərfaraz Buqti  "Geo News"a bildirib ki, oyunçuların tapılması üçün əməliyyat planlaşdırılır, lakin o əlavə edib ki, təfərrüatları paylaşmaq mümkün deyil. Onun sözlərinə görə, Sərhəd Korpusu, komissar müavini, komissar və Levies Force qrupları şübhəlilərin axtarışı üçün çalışır.
KARUSEL / DÜNYA