Pakistanın müdafiə naziri Xavaca Məhəmməd Asif bildirib ki, iqtisadi sabitlik ölkənin qarşıdan gələn Milli Assambleyası üçün ən böyük problem olacaq.
"ARY News"un xəbərinə görə, Milli Assambleyadakı vida nitqində Xavaca Məhəmməd Asif Pakistanı xarici kreditlərdən asılı olmayaraq öz resurslarından istifadə etməklə iqtisadi sabitlik yoluna çıxarmaq üçün kollektiv səylər göstərməyə çağırıb.
Onun sözlərinə görə, Pakistan hökuməti Pakistan xalqını ölkədə artan inflyasiyadan xilas etməlidir. O, 90-cı illərdən sonra bütün məclislərin konstitusiya müddətini başa vurmasını yaxşı əlamət adlandırıb.
Pakistanın Milli Assambleyadakı müxalifət lideri Raca Riaz bildirib ki, əvvəlki hökumətin yanlış qərarları ölkəni defolt həddinə çatdırıb, ARY News xəbər verir.
Raja Riaz deyib ki, hazırkı parlamentarilər etimadsızlıq təşəbbüsü ilə Pakistan Tehreek-e-Insaf (PTI) hökumətini devirməklə müdrik qərar qəbul ediblər. O bildirib ki, Pakistanın baş naziri Şehbaz Şərif ölkənin iqtisadi çöküşünü dayandırıb.
KARUSEL / DÜNYA