Pekin cümə axşamı günü Manilanı bu həftə Filippində keçirilən ASEAN toplantısında Çinin iştirakının qarşısına “çoxsaylı maneələr yaratmaqda” ittiham edib. Həmin toplantıda Çini səfirlik attaşesi təmsil edəcək.

Çin Müdafiə Nazirliyinin sözçüsü mətbuat konfransında bildirib: “Filippin tərəfi bəzi siyasətçilərə dövlət vəzifələrindən şəxsi məqsədlər üçün istifadə etməyə imkan verib və Çinin “ASEAN Müdafiə Nazirləri Toplantısı-Plus”da (ADMM-Plus) iştirakına mane olmaq üçün çoxsaylı əngəllər yaradıb”.

Filippinin müdafiə naziri cümə axşamı bildirib ki, ASEAN ölkələri Çin Müdafiə Nazirliyinin regional müdafiə forumunda iştirakla bağlı mövqeyini bölüşmürlər. O əlavə edib ki, heç bir ölkənin ASEAN-dakı proseslərə dair qiymətləndirmə vermək hüququ yoxdur.

Filippinin müdafiə naziri Gilberto Teodoro qeyd edib ki, ASEAN ölkələrinin öz fikirlərini necə ifadə edəcəyini yalnız ASEAN özü müəyyən edə bilər; əsas məqam isə ondan ibarətdir ki, Çin öz mövqeyini açıqlaya bilib.


Reportyor.az 



KARUSEL / DÜNYA