Pakistan hökuməti keçmiş baş nazir və partiya sədri İmran Xanın həbsindən sonra ölkədə şiddətli etirazların baş verdiyi 9 May hadisələri ilə bağlı Pakistan Təhrik-e-İnsafı (PTI) qadağan etməyi düşünür.
Bunu müdafiə naziri Xavaca Asif İslamabadda media mənsubları ilə söhbətində bildirib. X.Asif deyib ki, qadağa ilə bağlı hələ qərar qəbul edilməyib, lakin şübhəsiz ki, araşdırma aparılır”.
O, hökumətin bununla bağlı qərar qəbul etdiyi zaman məsələnin təsdiq üçün Milli Məclisə göndəriləcəyini də qeyd edib.
Mayın 9-da baş verən hadisələri xatırladan X.Asif iddia edib ki, zorakılıq və hərbi obyektlərin vandalizmi İmranın planlaşdırdığı koordinasiyalı hücumlardır: “Çoxlu sübutlar var və onların adamları özlərinə bu barədə əvvəlcədən məlumat verildiyini deyirlər. Mən hiss edirəm ki, İmranın bir illik mübarizəsi... onun bütün planları iflasa uğradı və bu, onun ölkə ordusuna qarşı son çarəsi oldu. O, ordunu özünə düşmən kimi görməyə başladı. Onun bütün siyasəti ordunun qucağında olub və bu gün o, birdən buna qarşı durmaq qərarına gəlib... və mənim dediklərimi PTI-dən ayrılanların hamısı deyir”.
Müdafiə naziri deyib ki, hadisələr zamanı ISI ofisi hücuma məruz qalıb, onlar Sialkotdakı kantona girməyə cəhd etsə də, bu hücum dəf edilib. Etirazçılar Lahor Korpusunun komandirinin evini yandırıb.
X.Asif daha sonra bu cür hərəkətlərin yalnız Hindistanın edə biləcəyini, pakistanlı olmayanın edə biləcəyini söyləyərək qonşu ölkənin 9 may hadisələrinə sevindiyini bildirib.
KARUSEL / DÜNYA