Təhlükəsizlik qüvvələri son 48 saat ərzində Hayber Paxtunxva və Bəlucistanda həyata keçirilən üç əməliyyatda on üç terrorçunun məhv edildiyini bildirib.

Ordunun media qanadı -Xidmətlərarası İctimaiyyətlə Əlaqələr (ISPR) tərəfindən verilən açıqlamada deyilir ki, Dera İsmayıl Xan və Şimali Vəziristanda iki kəşfiyyata əsaslanan əməliyyat (İBO) zamanı 11 terrorçunun öldürülülüb.

Təhlükəsizlik qüvvələri əməliyyatı terrorçuların olması ilə bağlı kəşfiyyat məlumatlarından sonra həyata keçirib.

Ayrı-ayrılıqda, Şimali Vəziristan səmtində bir yaraqlının vurularaq öldürüldüyünü ISPR bildirib və əlavə edib ki, iddia edilən silahlıların əlindən silah və sursat da götürülüb. Öldürülən terrorçular bölgədə təhlükəsizlik qüvvələrinə, eləcə də günahsız mülki şəxslərə qarşı çoxsaylı terror fəaliyyətlərində fəal iştirak ediblər.

Bu, bir həftədən az müddətdə Əfqanıstanla həmsərhəd Şimali Vəziristanda təhlükəsizlik qüvvələrinin başlatdığı ikinci əməliyyatdır.

Aprelin 17-də hərbçilər Pakistana keçməyə çalışan 7 silahlını öldürməklə Əfqanıstandan sızma cəhdinin qarşısını aldığını iddia edib.

Bəlucistanın Pişin rayonunda bazar ertəsi təhlükəsizlik qüvvələri ilə atışma zamanı iki terrorçu öldürülüb, bir neçəsi yaralanıb.

Rəsmilərin sözlərinə görə, yerli administrasiya Pişinin Sanzalai dağ silsiləsində terrorçuların olması barədə məlumat alıb və bundan sonra əməliyyat planlaşdırılıb.

Bu arada, Sərhəd Qoşunlarının (Şimal) rəsmiləri terrorçuların Əfqanıstandan Pişinə keçdiklərini və təpələrin üstündə piketlərini qurduqlarını iddia edib.

Terrorçuların dağlarda olması barədə yerli əhali də məlumatlandırılıb və əməliyyatın davam etdiyi üçün əraziyə girməmək barədə xəbərdarlıq edilib.

Sərhəd Qoşunlarının (Şimal) rəsmiləri xəbərdarlıq edib ki, yerli sakinlər bu terrorçulara heç bir yardım göstərməməlidir.

KARUSEL / DÜNYA