Danimarkanın nəhəng gəmiçilik şirkəti Maersk, Aralıq dənizindəki dəniz logistikasında mühüm dəyişi-klik edəcəyini elan edərək MECL xidmətini İspaniyanın Əlcəzir limanından Mərakeşin Tanca Med limanına köçürəcəyini bildirib.

Reportyor.az xəbər verir ki, bu keçid 24 fevral 2025-ci il tarixindən etibarən qüvvəyə minəcək. Nəticədə, Hindistan, Pakistan və Orta Şərqi ABŞ-ın Şərq Sahili ilə birləşdirən MECL xidməti, qərbə doğru səyahət edərkən artıq Əlcəzir li-manında dayanmadan keçəcək.

Maersk rəsmiləri bu qərarın "tranzit vaxtlarını optimal-laşdırmaq məqsədi ilə alınmış kommersiya qərarları" əsasında verildiyini qeyd ediblər.

"Bu dəyişiklik bizə Hindistan, Pakistan və Orta Şərqdən ABŞ-ın Şərq Sahilinə daşınma müddətini beş gün azalt-mağa imkan verəcək," - deyə şirkət bəyan edib.

2007-ci ildə istifadəyə verildiyi gündən bəri Tanca Med sürətlə regional bir mərkəz kimi inkişaf edib, əhəmiyyətli dərəcədə böyüyərək yük daşınmasında Əlcəziri geridə qoyub.

Əlcəzirdə ötən il 2017-ci ildən bəri ən aşağı yük həcmi qeydə alındığı halda, Tanca Med 13%-dən çox artım nümayiş etdirib və bu nailiyyətlə Aralıq dənizinin aparıcı konteyner limanı və Afrikanın ən böyük liman obyektinə çevrilib.
KARUSEL / İQTİSADİYYAT