Astronomik hesablamalara görə, 2026-cı ilin müqəddəs Ramazan ayının cümə axşamı, fevralın 19-da başlayacağı gözlənilir.

Bu barədə ərəb mediası xəbər verir.

BƏƏƏ Astronomiya Cəmiyyətinin prezidenti İbrahim əl-Cərvan 1447-ci ilin Ramazan ayının hilalının 17 fevral çərşənbə axşamı görünəcəyini bildirib.

Aypara gün batdıqdan bir dəqiqə sonra yoxa çıxacaq və bu, axşam saatlarında çılpaq gözlə görünməyəcək. Ona görə də fevralın 19-u Ramazan ayının ilk günü olacaq.

“Fevralın 19-u cümə axşamı Ramazan ayının ilk günü, martın 20-si isə Cümə günü Şəvval və Fitr bayramlarının birinci günü olacaq”.

Səudiyyə Ərəbistanındakı Aya baxış komitəsinin fevralın 18-də Aya baxmaqla orucun dəqiq başlama tarixini müəyyən edəcəyi gözlənilir.

Ramazan ayının və digər İslami qəməri ayların başlanğıcı Ayın Yer ətrafında dövr etdiyi 12 aylıq dövrəsinə əsaslanan hicri təqvimlə müəyyən edilir.

2026-cı ilin Ramazan ayında oruc tutma saatlarının bütün dünyada fərqli olacağı gözlənilir.

Ayın ilk günlərində Səudiyyə Ərəbistanı, Misir, BƏƏ, Qətər və Küveyt də daxil olmaqla bir çox ərəb ölkələrində oruc tutmaq təxminən 12 saat davam edəcək və müqəddəs ayın sonuna doğru tədricən 13 saata qədər artırılacaq.

Reportyor.az 


KARUSEL / CƏMİYYƏT