Bakı Şəhər Məktəbəqədər Təhsil Müəssisələri və Uşaq Evləri İdarəsi Suraxanı rayonundakı 2 nömrəli uşaq evində tərbiyəçinin uşaqlardan birini döyməsi ilə bağlı yeni video yayılıb.

REPORTYOR.AZ-ın məlumatına görə, videoda uşağın döyülməsindən sonra baş verən hadisələr cərəyan edir. Aydın olur ki, məktəb şagirdləri görüntüləri telefonun yaddaşıan köçürən digər məktəblinin əlindən mobil cihazı almağa cəhd edirlər. Amma müəllimənin müdaxiləsi ilə şagirdlər otaqdan çıxarılır. müəllimə qapını bağlayaraq telefonu şagirdin əlindən almağa cəhd etsə də buna nail ola bilmir.

11:36

Bakı Şəhər Məktəbəqədər Təhsil Müəssisələri və Uşaq Evləri İdarəsi Suraxanı rayonundakı 2 nömrəli uşaq evində müəllim tərəfindən uşaqlardan birinin döyülməsi ilə bağlı videogörüntülərə münasibət bildirib.

REPORTYOR.AZ yeniavaz.com-a istinadən xəbər verir ki, məsələ ilə bağlı Bakı Şəhər Məktəbəqədər Təhsil Müəssisələri və Uşaq Evləri İdarəsindən verilən məlumatda bildirilir:

"Uşaq bağçaları və Uşaq evlərində sistematik olaraq reydlər və yoxlamalar aparılır, aşkar edilmiş faktlarla bağlı müvafiq tədbirlər görülür.
Qeyd edilmiş hadisə ötən ilin dekabr ayında baş verib. Məsələni araşdıran komissiyanın qərarına əsasən dekabr ayında müəllimə Elnurə Qüdrət qızı Məmmədova bu və yol verdiyi digər nöqsanlara görə işdən azad olunub".





MANŞET / BANNER / KARUSEL / HADİSƏ / VİDEOXƏBƏR