Avstraliya hökuməti müdafiə departamentinin ofislərində istifadə edilən müşahidə texnologiyasını yoxlayacaq.
Müdafiə naziri Riçard Marles bunu orada quraşdırılan Çin istehsalı kameraların təhlükəsizlik risklərini artırdığına dair xəbərlər fonunda bildirib. Riçard Marles deyib ki, Hikvision və Dahua şirkətlərinin nəzarət texnologiyasının öz şöbəsində qiymətləndirilməsinə göstəriş verəcək.
"Reuters" xəbər verir ki, bu addım İngiltərə noyabr ayında öz departamentlərindən həssas binalarda Çinlə əlaqəli müşahidə kameralarının quraşdırılmasını dayandırmağı xahiş etdikdən sonra atılıb. ABŞ-ın bəzi ştatları bir neçə Çin texnologiya şirkətinin satıcılarına və məhsullarına qadağa qoyub.
Marles ABC Radiosuna verdiyi müsahibədə "Bu bir məsələdir və ... biz müdafiə (departamenti) daxilində müşahidə üçün bütün texnologiyaları qiymətləndiririk və bu xüsusi kameralar aşkar edilərsə, onlar çıxarılacaq" deyib.
Müxalifətdən olan millət vəkili Ceyms Paterson cümə axşamı öz auditinin 250-dən çox Avstraliya hökumət ofisində qismən dövlətə məxsus iki Çin firması olan Hangzhou Hikvision Digital Technology və Dahua Technology Co tərəfindən 1000-ə yaxın avadanlığın quraşdırıldığını aşkar etdiyini söyləyib.
KARUSEL / DÜNYA