"Taliban"ın ölkədə qadınlara qarşı repressiyalarını davam etdirdiyi bir vaxtda Əfqanıstanın BMT-nin Cenevrədəki İnsan Haqları Şurasındakı daimi nümayəndəsi Nasir Əhməd Andişa "Taliban"ın qadın və qızların məktəbə getməsinə qadağa qoymasını tənqid edib və Əfqanıstanda qadınlara təhsil almaq imkanı verilməsinə çağırıb.
Bu barədə "TOLO news" məlumat yayıb. Andişa dünya ictimaiyyətini bütün əfqan sakinlərinin hüquqlarının müdafiəsinə qoşulmağa çağırıb:"Biz beynəlxalq ictimaiyyəti Əfqanıstanda bütün vətəndaşlarının hüquqlarını qorumağa sadiq olan inklüziv nümayəndəli hökumətə dəstək verməkdə vahid mövqe tutmağa çağırırıq". 
Bir neçə insan haqları və təhsil fəalı bu yaxınlarda dünya liderlərini açıq məktubda "Taliban"a qarşı diplomatik təzyiq göstərməyə çağırıblar ki, müharibədən zərər çəkmiş ölkədə qızlar üçün orta məktəbləri yenidən açsınlar. Bundan başqa, HRW-dən Barr, daha əvvəl verdiyi açıqlamada, Talibanın qadın və qızların hüquqlarının geri alınmasının 15 avqust 2021-ci ildə hakimiyyətə gəldikdən dərhal sonra başladığını bildirib.
KARUSEL / DÜNYA