Azərbaycan millisi ilə yollarını ayıran Canni De Byazi Kosovo yığmasının baş məşqçisi ola bilər.
“Avro-2024”ün seçmə mərhələsindən sonra Primoj Qlixa ilə müqaviləni yeniləməyən Kosovo Futbol Federasiyası italiyalı mütəxəssisin xidmətində maraqlıdır.
De Byazinin özü də “SKY Sport 24” nəşrinə açıqlamasında yeni komanda axtarışında olduğunu gizlətməyib. Lakin o, danışıq apardığı federasiyanın adını açıqlanmayıb: “Ümid edirəm ki, təyinat reallaşacaq. Amma müqavilə imzalanana qədər bu barədə danışmamaq daha yaxşıdır”.
Qeyd edək ki, AFFA İcraiyyə Komitəsinin qərarına əsasən, Canni De Byazinin noyabrın sonunda başa çatacaq müqaviləsi yenilənməyəcək.


KARUSEL / İDMAN