Qazaxıstan dövlət başçısı Qasım-Jomart Tokayev MDB ölkələrinin Təhlükəsizlik Orqanları və Xüsusi Xidmət Orqanları Rəhbərləri Şurasının 55-ci iclasının iştirakçıları ilə görüşüb.

Reportyor.az bu barədə Qazaxıstan rəsmi saytlarına istinadla xəbər verir.

Prezident qeyd edib ki, bu platforma təhlükəsizlik sahəsində səylərin əlaqələndirilməsi vasitəsi kimi özünü təsdiqləyib və müasir şəraitdə Şuranın rolu daha da artır.

Dövlət başçısı vurğulayıb ki, operativ və analitik məlumatların vaxtında mübadiləsi regional təhlükəsizliyə yönəlmiş çağırış və təhdidlərə qarşı mübarizənin səmərəliliyini artırmağa imkan verir və ölkələrimizin milli maraqlarının müdafiəsi üçün əlaqələndirilmiş yanaşmaların inkişafına töhfə verir.

Qasım-Jomart Tokayev görüşün nəticələrinin Birlik dövlətlərinin xüsusi xidmət orqanları arasında qarşılıqlı əlaqələrin daha da inkişafına şərait yaradacağına, beynəlxalq təhlükəsizliyin təmin edilməsi sahəsində əməkdaşlığın gücləndirilməsinə kömək edəcəyinə əminliyini ifadə edib.

KARUSEL / DÜNYA