Birləşmiş Millətlər Təşkilatının Yaxın Şərqdəki Fələstinli Qaçqınlara Yardım Agentliyi (UNRWA) İsrailin Qəzza zolağının şimalında törədilmiş soyqırımı nəticəsində dağıntılar altında qalanların təxliyəsi üçün agentliyin təqdim etdiyi təcili tələbi rədd etdiyini açıqlayıb.

Reportyor.az xəbər verir ki, bunu Qəzza zolağının şimalında işğallar soyqırımı və etnik təmizləmə siyasəti səbəbindən fələstinlilərin məruz qaldığı qıtlığın artdığı bir vaxtda Qəzzadakı UNRWA-nın mətbuat katibi İnas Hamdan deyib.

BMT rəsmisi bildirib ki, son iki həftə ərzində onlar dəfələrlə xəbərdarlıq edib ki, Cəbəliyyə və Şimali Qəzza əyalətində mühasirənin sərtləşdirilməsi vəziyyəti daha da fəlakətli edir və İsrailin davam edən hərbi əməliyyatları on minlərlə mülki vətəndaşı ciddi risk altında qoyur.

Üstəlik, Qəzzanın şimalındakı hərbi hücum insanların su da daxil olmaqla, yaşaması üçün zəruri olan ehtiyaclara çıxışını kəsir.

O, Cəbəliya düşərgəsinin iki həftədən çoxdur mühasirədə olduğunu və evlərində su və qida tükənən ailələr haqqında məlumat aldıqlarını və düşərgədən gələn görüntülərin sakinlərin təhlükəsiz bir yerə sahib olmadan qaçdıqlarını göstərdiyini xəbərdar edib.

Oktyabrın 18-də Şimali Qəzza valiliyində qalan üç xəstəxanadan ikisi birbaşa hədəfə alındı (Əl-Avda və İndoneziya xəstəxanaları) və bu hücumlar Şimali Qəzza valiliyində humanitar böhranı çox narahatedici şəkildə şiddətləndirir, Hamdan bildirib.

BMT rəsmisi İsrail qurumunu humanitar və xilasetmə qruplarının xəstələrə, yaralılara və tələyə düşmüş insanlara gecikmədən çatmasına icazə verməyə çağırıb, çünki gecikmənin hər dəqiqəsi fəlakəti daha da artırır.
KARUSEL / DÜNYA