Avropa İttifaqının Xarici İşlər və Təhlükəsizlik Siyasəti üzrə yeni Ali Nümayəndəsi Kaja Kallas israilli həmkarına Qəzzaya yeni zərbə dalğasının qəbuledilməz olduğunu deyib.

Yanvarın 19-da Fələstinin Həmas yaraqlı qruplaşması ilə əldə olunan atəşkəsin 15 aydan çox davam edən müharibəyə son qoymasından sonra İsrail çərşənbə axşamı Qəzza zolağına ən intensiv zərbələr endirib.

Reportyor.az xəbər verir ki, Kaja Kallas İsrailin xarici işlər naziri Gideon Saara söhbət zamanı “niyə belə edirsən?” sualını verib.

Kallas, xüsusilə mülki insanların itkisinə istinad edərək, bunun qəbuledilməz olduğu mesajını verdiyini söyləyib.

Atəşkəsin uzadılması ilə bağlı danışıqların iflasından sonra baş verən bombardmanlar nəticəsində 400-dən çox adam həlak olub, ərazinin səhiyyə nazirliyi bildirib.

İsrailin baş naziri Benyamin Netanyahu çərşənbə axşamı axşam saatlarında xəbərdarlıq edib ki, zərbələr yalnız başlanğıcdır və HƏMAS ilə gələcək danışıqlar yalnız atəş altında aparılacaq.

Kallas, Misir, İordaniya, Qətər, Səudiyyə Ərəbistanı və BƏƏ-ni bir araya gətirən “Ərəb beşliyi” ilə vəziyyəti müzakirə etmək üçün bazar günü Misirə gedəcəyini söylədi və İsrailə diplomatik təzyiqin artırılmasına ehtiyac olduğunu əlavə etdi.

İsrail 2023-cü ilin oktyabrında İsrailə qarşı müharibəyə səbəb olan hücum zamanı fələstinli yaraqlılar tərəfindən ələ keçirilən bütün girovlar qaytarılana qədər mübarizəni davam etdirəcəyinə söz verib.
KARUSEL / DÜNYA