Gürcüstan parlamentinin spikeri Şalva Papuaşvili ötən həftə Aİ nümayəndəliyinin Gürcüstanda Avropa Günü qeyd etmələri zamanı faşizm üzərində qələbənin 80-ci ildönümünü etiraf etməməsindən təəssüfləndiyini bildirib.

Reportyor.az xəbər verir ki, Papuaşvili sosial şəbəkədəki paylaşımında Aİ-nin mayın 9-da qeyd edilməsində gürcü xalqı və İkinci Dünya Müharibəsi veteranları üçün heç bir təbrik və ya anma mərasiminin olmamasından məyus olduğunudeyib.

“Təəssüf ki, Avropa İttifaqının Nümayəndəliyi 9 May və faşizm üzərində Qələbənin 80 illiyi münasibətilə gürcü xalqını və müharibə veteranlarımızı bir kəlmə belə təbrik etmədən Avropa Günü ilə bağlı tədbir keçirib. Döyüş meydanında 300 min gürcü qəhrəmanının həlak olması ilə Gürcüstan nasizmə qarşı mübarizədə böyük fədakarlıq göstərdi. Bu mübarizə olmasaydı, Avropa indiki kimi olmazdı. Bu fədakarlıq olmasaydı, Avropa Birliyi, Avropa Günü də olmazdı".
KARUSEL / DÜNYA