Gürcüstanın baş naziri İrakli Kobaxidze deyib ki, Aİ-nin Gürcüstandakı səfiri Pavel Herçinski özünün dərin dövlətin müdaxiləsi səbəbindən diplomatik vəzifələrini yerinə yetirə bilməyib.

Reportyor.az yerli mediaya istinadla bildirir ki, Kobaxidzenin açıqlamaları çərşənbə günü “AB səviyyəsində sanksiyalar tətbiq etmək üçün 27 üzv dövlətin razılığına ehtiyacımız var və bu mərhələdə, təəssüf ki, yekdillik yoxdur” deyən Herçinskinin bəyanatından sonra gəlib.

Kobaxidze çıxışında qeyd edib ki, Herçinski Gürcüstan ictimaiyyəti arasında onun nüfuzuna ciddi zərbə vuran bəyanatlar verməyə məcbur olub.

“Mən əminəm ki, cənab Herçinski Gürcüstanda səfir kimi işləmək istəyir, lakin təəssüf ki, dərin dövlət ona buna imkan vermir. Pavel Herçinskinin səfir kimi işləməsinə icazə verilmir. Bu, aydın qiymətləndirmədir. O, çox çətin vəziyyətdədir, Gürcüstan cəmiyyətinin gözündə onun imicinə ciddi xələl gətirən bəyanatlar verməkdədir. Bütün bunlar çox faciəli və təəssüf doğurur", - deyə baş nazir bildirib.
KARUSEL / DÜNYA