Bu səhər Uqandanın paytaxtında Roma-Katolik məbədi yaxınlığında partlayış səsi eşidilib.

Reportyor.az xəbər verir ki, Uqanda mediasına görə, ordu Şəhidlər Günü bayramı qeyd etmələri ərəfəsində Munyonyo ətrafında iki silahlı şəxsin “ərərsizləşdirildiyini bildirib.

Partlayış nəticəsində azı iki nəfər həlak olub. NBS Televiziyası partlayışın şəhərin cənubundakı Munyonyo Şəhidlər Məbədi yaxınlığındakı şübhəli bomba tərəfindən törədildiyini bildirib.

Uqanda ordusunun sözçüsü X-də yazıb ki, “terrorla mübarizə bölməsi bu səhər yüksək səviyyəli şəhərətrafı Munyonyoda iki silahlı terrorçunu ələ keçirib və zərərsizləşdirib”.

NTV Uqanda bildirib ki, partlayışdan sonra səlahiyyətlilər ziyarətgahın ətrafındakı əraziyə ictimaiyyətin girişini məhdudlaşdırıb.

Ordu sözçüsü əlavə edib ki, “Təhlükəsizlik xidmətləri Şəhidlər Günü qeyd etmələrinin fasiləsiz davam etməsini təmin etmək üçün gücləndirilmiş hazırlıq vəziyyətindədir”.
KARUSEL / DÜNYA