Keniya sahillərindən uçan kiçik bir təyyarə qəzaya uğrayıb və təyyarədə olan 11 nəfərin, o cümlədən xarici vətəndaşların hamısının həlak olduğunu bildirilib.

Kiçik təyyarə yerli vaxtla təxminən səhər saat 5:30-da (02:30 GMT) Diani turistik məkanından Maasai Mara Milli Parkında yerləşən Kichva Tembo uçuş-enmə zolağına gedirdi.

Mombasa Air Safari-nin sədri Con Kliv qəzanı təsdiqləyib və 10 sərnişinin - səkkiz macar, iki alman və bir keniyalı kapitanın olduğunu bildirib.

"Təəssüf ki, sağ qalan yoxdur", - deyə o, ilkin məlumatlara istinadən bildirib və əlavə edib ki, onlar təcili yardım qrupu işə başlayıb və yerli hakimiyyət orqanları ilə əməkdaşlıq edirlər.

Keniya Mülki Aviasiya İdarəsinin (KCAA) əvvəlki açıqlamasında qəza zamanı təyyarədə 12 nəfərin olduğu bildirilib.

KCAA əlavə məlumat verməsə də, qəzanın səbəbini müəyyən etmək üçün dövlət qurumlarının artıq hadisə yerində olduğunu bildirib.

Avqust ayında paytaxt Nayrobi şəhərinin kənarında Amref tibb qeyri-hökumət təşkilatına məxsus yüngül təyyarə qəzaya uğradı, nəticədə altı nəfər həlak oldu, iki nəfər yaralandı.

Reportyor.az




KARUSEL / HADİSƏ