İran Birləşmiş Millətlər Təşkilatının Təhlükəsizlik Şurasına və Beynəlxalq Dəniz Təşkilatına bildirib ki, düşmən olmayan gəmilər İran hakimiyyəti ilə əlaqələndirilərsə, Hörmüz boğazından keçə bilərlər.

Bu barədə Reuters gördüyü qeydə istinadən bildirib. 

ABŞ-İsrail müharibəsi dünya neftinin və mayeləşdirilmiş təbii qazın təxminən beşdə birinin boğazdan daşınmasını demək olar ki, dayandırıb və neft təchizatında fasilələrə səbəb olub.

İranın Xarici İşlər Nazirliyinin notası bazar günü 15 üzvdən ibarət Təhlükəsizlik Şurasına və BMT-nin Baş katibi Antonio Quterreşə göndərilib. Daha sonra nota çərşənbə axşamı Londonda yerləşən və beynəlxalq gəmiçilik təhlükəsizliyini və mühafizəsini tənzimləyən və çirklənmənin qarşısını alan BMT gəmiçilik agentliyinin 176 üzvü arasında paylanıb.

“Digər dövlətlərə məxsus və ya onlarla əlaqəli gəmilər də daxil olmaqla, düşmənçilik etməyən gəmilər, İrana qarşı təcavüz aktlarında iştirak etməmələri və dəstəkləməmələri və elan edilmiş təhlükəsizlik qaydalarına tam əməl etməmələri şərti ilə, səlahiyyətli İran hakimiyyəti ilə əlaqələndirilərək Hörmüz boğazından təhlükəsiz keçiddən faydalana bilərlər”, - deyə qeyddə bildirilir.

İran “təcavüzkarların və onların tərəfdarlarının Hörmüz boğazından İrana qarşı düşmənçilik əməliyyatları aparmaq üçün istifadə etməsinin qarşısını almaq üçün zəruri və mütənasib tədbirlər görüb”, - deyə qeyddə bildirilir. Qeyddə ABŞ və ya İsrailə məxsus gəmilər, avadanlıqlar və hər hansı aktivlər, “eləcə də təcavüzün digər iştirakçıları günahsız və ya düşmənçilik etməyən keçid üçün uyğun deyil”.

“The Financial Times” qəzeti ilk dəfə məktubun çərşənbə axşamı Beynəlxalq Dəniz Təşkilatının (IMO) üzv dövlətləri arasında yayıldığını bildirib.

Reportyor.az 



KARUSEL / DÜNYA