Özbəkistan və Tacikistan 2030-cu ilə qədər ticarət dövriyyəsini 2 milyard dollara çatdırmaq niyyətindədir.

Özbəkistan Prezidentinin mətbuat xidmətinin məlumatına görə, bu barədə dövlət başçısı Şavkat Mirziyoyev və Tacikistan Prezidenti Emoməli Rəhmon Daşkənddə  Ali Dövlətlərarası Şuranın keçirilən ilk iclasında bildirib.

İclasda həmçinin bildirilib ki, Oybek-Fotexobod sərhəd mərkəzinin istifadəyə verilməsini sürətləndirmək, keçid məntəqələrini modernləşdirmək, rəqəmsal məhsul sertifikatlaşdırma sistemini tətbiq etmək və mədən və enerji sektorlarında sənaye əməkdaşlığı proqramını qəbul etmək niyyətindədirlər.


Şavkat Mirziyoyev deyib ki, şübhəsiz ki, bu format ikitərəfli əməkdaşlığı keyfiyyətcə yeni səviyyəyə qaldıracaq və Özbəkistan-Tacikistan strateji tərəfdaşlıq və müttəfiqlik münasibətlərini praktik məzmun və irəliləyişli təşəbbüslərlə zənginləşdirməyə xidmət edəcək.

Liderlər perspektivli layihələri dəstəkləmək üçün birgə investisiya şirkətinin kapital bazasının genişləndirilməsinin vacibliyini qeyd edib. 
Prezidentlər enerji, su idarəçiliyi, nəqliyyat və bir çox digər sahələrdə əməkdaşlıq perspektivlərini müzakirə edib.

Reportyor.az 



KARUSEL / İQTİSADİYYAT