Malayziya və Əfqanıstanın Baş nazirləri regional təhlükəsizlik vəziyyətindən narahat olduqlarını bildiriblər.

Əfqanıstan yerli mediası xəbər verir ki,  Malayziya Əfqanıstan və Pakistan arasında gərginliyin azaldılmasında müsbət və konstruktiv rol oynamaq niyyətini bir daha təsdiqləyib.

Əfqanıstan İslam Əmirliyi Baş nazirinin ofisinin X-də dərc etdiyi açıqlamaya görə, Molla Məhəmməd Həsən Axund Malayziyanın Baş naziri Dato Ənvər İbrahim ilə telefon danışığı aparıb.

İki lider regional hadisələri, xüsusən də Əfqanıstan və Pakistan arasındakı son gərginliyi müzakirə ediblər.

Molla Məhəmməd Həsən Axund həmçinin ABŞ və İsrailin İrana hücumları barədə məlumat verildikdən sonra regional gərginliyin artmasından narahatlığını bildirib.

O, Əfqanıstan İslam Əmirliyinin mübahisələrin qarşılıqlı anlaşma və əməkdaşlıq yolu ilə həllinə tərəfdar olan prinsipial mövqeyini qoruduğunu təkrarlayıb.

Reportyor.az 



KARUSEL / DÜNYA