Şərqi Yavada Semeru vulkanı dörd dəfə püskürərək 1000 metr hündürlüyə qədər kül püskürüb.

Bu  barədə İndoneziya xəbər agentliyi məlumat verib.

Şərqi Yavada Lumajang və Malang rayonlarının qovşağında yerləşən Semeru vulkanı yenidən püskürüb.

Semeru Rəsədxanası bildirir ki, vulkan qısa müddət ərzində dörd dəfə püskürüb və 600-1000 metr hündürlüyə kül püskürüb.

Həmçinin qeyd edilib ki, püskürmələr zamanı isti kül, qazlar və qaya parçalarından ibarət 3,5 kilometr uzunluğunda piroklastik axın, eləcə də vulkanın zirvə kraterindən vaxtaşırı düşən qayalar qeydə alınıb.

İndoneziya xəbərdarlıq sistemi vulkana 3-cü səviyyəli xəbərdarlıq təyin edib və qaya püskürməsi riski səbəbindən 5 kilometr radiusda bütün fəaliyyətləri qadağan edib.

Xatırladaq ki, Bromo Tengger Semeru Milli Parkında yerləşən Semeru vulkanı Yava adasındakı ən aktiv vulkanlardan biri hesab olunur.


Reportyor.az 



KARUSEL / DÜNYA