Səudiyyə Ərəbistanı vəliəhdi Məhəmməd bin Salmana Küveytin vəliəhdi Şeyx Sabah Xalid əl-Həməd əs-Sabah telefon zəngi edib.

Krallığın yerli mediasının məlumatına görə, zəng zamanı iki lider Pakistanın vasitəçiliyi ilə ABŞ və İran arasında atəşkəs razılaşması da daxil olmaqla, son regional inkişafları müzakirə ediblər.

Agentlik əlavə edib ki, onlar həmçinin Səudiyyə Ərəbistanı və Küveytin regional təhlükəsizlik və sabitliyin gücləndirilməsinə yönəlmiş bütün səyləri dəstəkləmək öhdəliyini təsdiqləyiblər.

Daha əvvəl Səudiyyə Ərəbistanı Xarici İşlər Nazirliyi ABŞ-İran atəşkəsini alqışlayıb və Pakistanın razılaşmanın təmin edilməsindəki rolunu yüksək qiymətləndirib.

Nazirliyin açıqlamasında deyilir: "Krallıq Pakistanın təhlükəsizlik və sabitliyə nail olan və bir neçə onilliklər ərzində qeyri-sabitliyə səbəb olan bütün məsələləri həll edən daimi bir razılaşmaya çatmaq üçün həyata keçirdiyi vasitəçilik səylərini dəstəklədiyini təsdiqləyir".

Həmçinin, Hörmüz boğazının 1982-ci il Birləşmiş Millətlər Təşkilatının Dəniz Hüququ haqqında Konvensiyasına uyğun olaraq, heç bir məhdudiyyət olmadan naviqasiya üçün açıq saxlanılmasının vacibliyi vurğulanıb.

Nazirlik atəşkəsin hərtərəfli və davamlı bir sakitliyə yol açacağına, regional təhlükəsizliyi gücləndirəcəyinə və region ölkələrinin suverenliyinə, təhlükəsizliyinə və sabitliyinə xələl gətirən hərəkətlərə son qoyacağına ümid etdiyini bildirib.

Reportyor.az 




KARUSEL / DÜNYA