Qitənin rəqəmsal iqtisadiyyatı və texnoloji innovasiyaları üzrə flaqman tədbir olan "GITEX Africa"nın dördüncü buraxılışı Mərakeş şəhərində keçirilib və Afrikanın ən böyük texnologiya və startap platforması statusunu bir daha təsdiqlənib.

Tədbir miqyas baxımından əhəmiyyətli artımla yadda qalıb; sərgidə 300 startap iştirak edib ki, bu da əvvəlki buraxılışla müqayisədə 50% artım deməkdir. Tədbir 1450-dən çox eksponenti və ümumi portfeli 350 milyard dolları ötən 400-dən çox investoru bir araya gətirib. Sərgini Afrika və Avropa ilə yanaşı, Çin və ABŞ kimi mühüm bazarlar da daxil olmaqla, 130 ölkədən 50 000-dən çox ziyarətçi izləyib.

Tədbir çərçivəsində çıxış edən Mərakeşin rəqəmsal transformasiya və inzibati islahatlar naziri xanım Amal El Fellah Seghrouchni, süni intellektə xüsusi diqqət yetirməklə, "GITEX Africa"nın rəqəmsal transformasiyada katalizator rolunu vurğulayıb. O qeyd edib ki, 2025-ci il buraxılışında iştirak edən şirkətlərin təxminən 40%-i artıq süni intellektə əsaslanan həllər üzərində işləyirdi və bu tendensiya 2026-cı ildə daha da güclənib.


Reportyor.az 



KARUSEL / İQTİSADİYYAT