Pakistanın Baş naziri Şahbaz Şərif bildirib ki, Yaxın Şərqdəki müharibə fonunda ölkənin həftəlik neft xərcləri 800 milyon dollara çatıb.

ABŞ və İsrailin İrana birgə hücumlarından sonra son iki ayda qlobal yanacaq qiymətləri kəskin şəkildə artıb.

Yerli media xəbər verir ki,  bu gün federal kabinetin iclasında çıxış edən baş nazir, neft naziri Əli Pərvaiz Malikin İran müharibəsindən qaynaqlanan yanacaq böhranının həlli üçün səylərini təqdir edərək, vəziyyətin qənaətbəxş göründüyünü bildirib.

Bununla əlaqədar olaraq, baş nazir qlobal bazarlarda yanacaq qiymətlərinin kəskin şəkildə artdığını qeyd edərək, müharibədən əvvəlki həftəlik neft xərclərimiz təxminən 300 milyon dollar idi və bu gün 800 milyon dollara çatıb deyib.

O, əlavə olaraq, ölkənin yanacaq istehlakının əvvəlki həftələrlə müqayisədə azaldığını və vəziyyətin müntəzəm olaraq izlənildiyini vurğulayıb.

Baş nazir Şahbaz Şərif əlavə olaraq bildirib ki, müharibə başlamazdan əvvəl Pakistan makroiqtisadi cəbhədə yaxşı nəticələr göstərirdi; lakin müharibə ilə iki illik səylərimiz geriləmə ilə nəticələnib.

Reportyor.az 




KARUSEL / İQTİSADİYYAT