İordaniya, İspaniya, İspaniya, Pakistan, Braziliya, Banqladeş, Türkiyə, Cənubi Afrika, Kolumbiya, Liviya, Maldiv adaları və Malayziyanın xarici işlər nazirləri İsrailin Qəzza zolağındakı humanitar böhrana beynəlxalq diqqəti cəlb etmək məqsədi daşıyan dinc mülki humanitar təşəbbüs olan Qlobal Həmrəylik Donanmasına hücumunu qətiyyətlə pisləyiblər. 

Nazirlər bildiriblər ki, İsrailin gəmilərə hücumları və beynəlxalq sularda humanitar fəalların qanunsuz saxlanılması beynəlxalq hüququn və beynəlxalq humanitar hüququn açıq şəkildə pozulmasıdır.

Onlar mülki fəalların təhlükəsizliyi ilə bağlı dərin narahatlıqlarını ifadə ediblər və İsrail hakimiyyətini onların dərhal azad edilməsini təmin etmək üçün lazımi tədbirləri görməyə çağırıblar.

Nazirlər həmçinin beynəlxalq ictimaiyyəti beynəlxalq hüququn qorunması, mülki şəxslərin qorunması və bu pozuntulara görə məsuliyyətin təmin edilməsində mənəvi və hüquqi məsuliyyətlərini yerinə yetirməyə çağırıblar.


Reportyor.az 




KARUSEL / DÜNYA