Rəsmilər bildiriblər ki, bazar ertəsi Pakistanın şimal-qərbində baş verən yol qəzasında ən azı 17 nəfər ölüb, 10 nəfər yaralanıb.

Qəza, Xayber Paxtunxva əyalətinin Svat şəhərindən Peşəvərə gedən sərnişin avtobusunun mexaniki nasazlığı yaranıb və yol kənarında dayanması nəticəsində baş verib.

Sərnişinlər nəqliyyat vasitəsindən düşüb yaxınlıqda gözləyərkən mikroavtobus idarəetməni itirərək izdihama və dayanmış avtobusa çırpılıb.

"Ən azı 17 nəfər ölüb, 10-dan çoxu yaralanıb", - deyə xilasetmə rəsmisi Bilal Əhməd Faizi AFP-yə bildirib və əlavə edib ki, yaralılardan üçünün vəziyyəti ağırdır.

Yerli xəstəxanada qurbanları qəbul edən həkim Məhəmməd Əli də ölənlərin sayını təsdiqləyib.

Sərnişinlərin çoxu müsəlman təqviminin ən vacib dini bayramlarından biri olan Ramazan bayramından əvvəl evə gedirdi.

Pakistanda yol qəzaları yol hərəkəti qanunlarının zəif icrası, sürət həddinin aşılması, yol təhlükəsizliyi standartlarının aşağı olması və ehtiyatsız sürücülük səbəbindən geniş yayılıb.


Reportyor.az 



KARUSEL / DÜNYA