Qətər Dövlətinin Xarici İşlər Nazirliyinin dövlət naziri Məhəmməd bin Əbdüləziz bin Saleh Əl-Xuleyfi Ankarada Şimali Atlantika Müqaviləsi Təşkilatının (NATO) baş katibi Mark Ruttenin İstanbul Əməkdaşlıq Təşəbbüsündə iştirak edən nümayəndə heyətlərinin rəhbərləri ilə görüşündə iştirak edib.

Yerli mətbuatın yazdığına görə, görüşdə regionun və dəniz yollarının təhlükəsizlik problemləri, eləcə də İstanbul Əməkdaşlıq Təşəbbüsü ölkələri ilə NATO arasında əməkdaşlıq və tərəfdaşlığın əhəmiyyəti müzakirə olunub.


Xarici İşlər Nazirliyinin dövlət naziri həmçinin NATO baş katibinin Cənub Qonşuluğu üzrə xüsusi nümayəndəsi və Alyansda baş katibin siyasi məsələlər üzrə müavini Xavyer Kolomina, Türkiyə prezidentinin milli təhlükəsizlik və xarici siyasət üzrə baş müşaviri Akif Çağatay Kılıç və Türkiyə Respublikası xarici işlər nazirinin müavini Musa Kulaklikaya ilə ayrı-ayrı görüşlər keçirib. Görüşlər Türkiyənin paytaxtı Ankarada keçirilən NATO Zirvəsi çərçivəsində baş tutub. Görüşlər zamanı ikitərəfli əməkdaşlığın dərinləşdirilməsi və genişləndirilməsi, regiondakı son inkişafların müzakirəsi və ortaq maraq doğuran bir sıra məsələlər müzakirə olunub.


Reportyor.az 



KARUSEL / DÜNYA